Drejtori i AKK-së, Yll Buleshkaj ‘’Raportet e publikuara nga institucionet e Shteteve të Bashkuara të Amerikës, Unionit Evropian dhe organizatave me renome dhe ekspertize ndërkombëtare në fushën e anti-korrupsionit dhe transparencës, shërbejnë si udhërrëfyes për orientimin e AKK në zbatimin e mandatit të vet ligjor’’
Pas publikimit të raportit të Departamentit Amerikan të Thesarit në dhjetor të vitit 2021, Raportit për Kosovën mbi Praktikat e të Drejtave të Njeriut të hartuar nga Zyra për të Drejta të Njeriut dhe Punës e Departamentit të Shtetit, si dhe raportit të Freedom House për Kosovën, Agjencia Kundër Korrupsion (AKK), shqyrtoj segmentet e këtyre raporteve për aspektet të cilat lidhen me fushevepritarinë e AKK-së.
Bazuar në mandatin e saj ligjor, AKK ka shqyrtuar nëse ndonjëri nga individët e listuar si pjesë e krimit të organizuar ndërkombëtar me bazë në Kosovë të theksuar në raportin e Departamentit Amerikan të Thesarit, është apo ka qenë zyrtarë i lartë në Kosovë në mënyrë që të inicioj verifikime sipas ligjit.
Përderisa Raporti për Kosovën mbi Praktikat e të Drejtave të Njeriut vë në dukje mandatin e Agjencisë Kundër Korrupsion për të luftuar korrupsionin dhe rritjen e transparencës së nivelit të larte të sektorit publik, i njëjti raport konfirmon edhe shqetësimet që i ka pasur AKK ndër vite për mos ndëshkim të zyrtarëve që kanë bërë shkelje të ligjit.
Raporti i Freedom House për Kosovën, po ashtu, ka vënë në theks shqetësimet e AKK-së për nevojën e koordinimit më të mire të institucioneve me mandat luftimin e korrupsionit në Kosovë.
Drejtori i AKK-së, Yll Buleshkaj, theksoj që ‘’Raportet e publikuara nga institucionet e Shteteve të Bashkuara të Amerikës, Unionit Evropian dhe organizatave me renome dhe ekspertize ndërkombëtare në fushën e anti-korrupsionit dhe transparencës, shërbejnë si udhërrëfyes për orientimin e AKK në zbatimin e mandatit të vet ligjor.’’