Sot, një delegacion i Agjencisë për Parandalimin e Korrupsionit i kryesuar nga drejtori z. Yll Buleshkaj vizitoi Inspektoratin e Lartë të Deklarimit dhe Kontrollit të Pasurive dhe Konfliktit të Interesave (ILDKPKI).
Delegacioni Kosovar u prit nga Inspektori i Përgjithshëm, znj. Evgjeni Bashari dhe bashkëpunëtorët e saj.
Delegacionet shkëmbyen përvoja në lidhje me deklarimin dhe kontrollin e pasurisë si dhe praktikat e trajtimit të rasteve të dyshuara të konfliktit të interesit. Disa nga sfidat e përbashkëta të identifikuara në takim ishin verifikimi i pasurisë së mbajtur jashtë vendit si dhe publikimi i vendimeve mbi temën e konfliktit të interesit në ushtrimin e detyrës zyrtare.
Inspektori i Përgjithshëm, znj. Bashari dhe Drejtori z. Buleshkaj, u pajtuan që të përditësojnë memorandumin e bashkëpunimit ndërinstitucional dhe të eksplorohen mundësitë për aktivitete të përbashkëta me qëllim të parandalimit të korrupsionit dhe promovimit të sjelljes etike nga zyrtarët publikë.
