Prishtinë, 05 tetor 2016 - Drejtori i Agjencisë kundër Korrupsionit z. Shaip Havolli, ka pritur sot në takimin e parë njoftues znj. Gerrie Willems Ambasadore e Holandës në Kosovë, ku diskutuan çështjet e bashkëpunimin në mes Ambasadës Holandeze dhe Agjencisë Kundër Korrupsionit, në fushën e zbatimit të ligjit për Parandalimin dhe Luftimit te Korrupsionit, si dhe avancimin e bashkëpunimit vendor dhe ndërkombëtare.
Z. Havolli gjatë takimit e njoftojë Ambasadoren Willems për prioritetet e Agjencisë, si dhe shprehu zotimin se do të angazhohet skajshmërisht në zhvillimin e politikave anti-korrupsion në Kosovë.
Nga ana e saj, ambasadorja Willems ka uruar z. Havolli për detyrën e re, ndërsa shprehu gatishmërinë për bashkëpunim.
Të dy bashkëbiseduesit u dakorduan për bashkëpunim të më tejmë në një frymë miqësore.
