Prishtinë, 02 Nëntor 2016 - Drejtori I Agjencisë kundër Korrupsionit z. Shaip Havolli priti sot në një takim njoftues, zyrtarët e lartë nga ambasada amerikane në Prishtinë, z. Scott Lang, Zyrtar Politik, znj. Mary Glantz, Zëvendëse Politike/Ekonomike si dhe zyrtarët e ICITAP-it Ron Fisher Menaxheri i Programit dhe Xhevat Kraja.
Zyrtarët amerikan në Kosovë, duke i uruar detyrën e re z.Havolli, i shprehën gatishmërinë e institucioneve të tyre për vazhdimin e bashkëpunimit të mirë me AKK-në dhe i dhanë mbështetje në realizimin e objektivave dhe misionit të saj.
Drejtori i Agjencisë Kundër Korrupsionit, z. Shaip Havolli theksoi rëndësinë e avancimit të bashkëpunimit me mekanizmat amerikanë në Kosovë, ndërkaq sigurojë ata se Agjencia do vazhdojë përkushtimin e saj për luftimin dhe parandalimin e Korrupsionit në Kosovë.
